Kayesan Bible ya ti Niloonaay

Ekíp ya éyaañ ya

Ekíp ya éyaañ ya éeyaañe ya páhin pa piti kayesan hilim ha hiti Pútuun pa ti Kuloonaay ti etiil ya eti 2014, ti hiim ha hiti March loho hitaakaa kunoom ŋaasuwan niŋ kaat niŋ kúsupak kayem; Matthias George Jatta eti mah ma miti Gambia, Euguine Dieme ati mah ma miti Senegal, Mierre Diatta ati mah ma miti Senegal niŋ Janet Fresard acuukutoola ya áyaañ a ati unii.

Keeyem ka ti nataal eyye kayem: Matthias George, Mierre Diatta, Euguine Dieme niŋ David Lowry acuukutoola ya ásupuyenu ya ati unii

Pupukoo pa piti Bible ya peeyesanee pa ti Kuloonaay peyem: Púcook pa, Efúlii ya, Luk, Saŋ, Páhin pa piti pupoñapoñ pa, Efes, Filipooy, Kolos, 1-2 Tesalonik, 1-2 Timote, Píhiburu pa, Saak, 1-3 Saŋ niŋ Káyisan ka.

Insúumaa ti Pútuun pa, ti etiil ya eti 2028, efi uhaañiyaa éfulii ya eti Písiyool pa Péeyeeni pa. Hinoom niŋ saatee ya la efi píhinee la efi hisokee hátikin niŋ lóhaniyoo. 

Píhina pa

Le ti kaawencinool páhin empa núuhine pa. Ti páhin empe, nuuyonkalyonkal pakan pákasupak keetaakut kameye héehinee ha, usincanantoo káyinan ka kiti oom pakan. Ti oom pakan intaak áyiin Amóoli aŋa nkasok Ismaila Jatta, éefulii ti mah ma miti Gambia niŋ Farnsour Diatta, éefulii ti maah ma miti Senegal. Uhínaahin eehuu kamma Kaloon ya nkayem ti mah ma músupak ma apan núulafi hitaaku pakan kéefulii ti mah ma músupak ma. 

Keeyem ka ti natal eyye kayem: Matthias George, Amy Diatta, Ismaila Jatta, Fransour Diatta niŋ Janet Fresard acuukutoola ya eti unii

Kapanpaŋanee ka kitii kitaakaataak hikaw ti unii

Kícantiitu ka kitii nkiyenkanan kaamemanool websites samat nii fiye epitaako.