Ti hiim ha hiti October 24th - 26th 2025, Kaloon for Jesus nkakaay ti saatee ya eti Mantaat, eeyem ya Senegal hak káatuunan hilim ha hiti Pútuun pa. Saatee ya etaakut canku eepayee kulut, fiye núuhin maas ya eti unii Timaas ya ti etaam punuun puluutoo. Canku ya néesuumpasuumal apan nuusok Pútuun pa apalaka ti eeha mpíhine ha niŋ fa mpísisikane fa átuunana ya hilim etempo oom hinoom ápituunan hilim etempo niŋ sempe.
Yéesu ayem Ateeteyo!
Káatuunan hilim ha hiti Pútuun pa ti saatee ya eti Mantaat. Ekumpaan ya eewanane ya unii nkakaay hiŋes soon nkacukii ñác. Nuuyeno káwasin etenso. Nuunanf ti hiik ha.
Keeyem ka ti naatal eyye kayem: Matthias George, Simon Sanyang niŋ James Demba
Ti maas ya eti Timaas ya Mantaat. Yankuba Jawo, Afula apan Amóoli hínum pale eewufane eloŋoo Yéesu. Akina átuunane oom hinoom hilim ha hiti Pútuun pa, apan naakaman unii fa Eenucee ya naafakanoo fa ti káakuuñu kenfakat, púful toko naawufan eloŋoo Yéesu. Náatuunan unii hilim ha hiti Pútuun pa niŋ sempe.
Keeyem ka ti nataal eyye kayem: Yankuba naawaso hísool ha héefuule ha niihaaŋ sipees niŋ Simon Sanyang ayesane hilim ha ti Kuloonaay.
